Gasteizko Udalari eskatzen diogu herritarroi eta sailetako txosten teknikoei kasu egiteko eta "Armentia -2" gas-putzurako lizentzia ukatzeko

Bestalde, Aldundiko PSEren jarrera txalotzen dugu, eta Udaleko PSEri eta zehazki, Maider Etxebarriari eskatzen diogu jarrera bera har dezala eta Armentia-2 putzua marra gorri bat izan dadila Urtarango EAJrekin duen gobernu-akordioan.

Gainera, Arabako gizartearen gehiengoaren iritziarekin bat etorriz, Gasteizko Udaleko hainbat sail eta zerbitzuk, hala nola Hirigintzak, Ingurumenak eta Landa Eremuak, ezezko iritzia eman dute Armentia-2 gas-putzuari dagokionez. Gogoratu behar dugu, halaber, 2012an Gasteizko Udalak bi putzu egiteko lizentzia ukatu ziola Shesari, CEAren txosten batean oinarrituta.

Araban ez dago gas-poltsarik. Aski da gizartea engainatu nahi izatea. Proba sismikoak egin dituzte eta dozenaka putzu zulatu dituzte Araban eta ez dute gas-poltsarik aurkitu. Ezin ditugu denbora eta diru publikoa gehiago galdu. Eredu jasangarri baterantz benetako trantsizioa hasteko garaia da. Gure ustez, udal gobernua, EAJko 7 zinegotzik eta PSEko 6 zinegotzik osatua, Urtaran alkatea buru duela, garaiz dabil lizentzia zuzendu eta ukatzeko, txosten teknikoetan eta HAPOn oinarrituta, debekatzen duelako putzu bat egitea eskatu duten lursailean. ..