sábado, 13 de enero de 2024
LURRA ETA ZAINTZARAKO ESKUBIDE KOLEKTIBOAREN ALDE, ELEFANTE TXURIRIK EZ!!!!
Abiadura handiko trenak bizidun guztien ongizaterako beharrezkoak diren baliabide eta baldintzak
suntsitzen ditu:
- Zaintza eta jendarte ongizatera bideratu beharko liratekeen aurrekontuak bereganatzen ditu.
(oraintxu Kobid osteko funtsetatik Tafalla-Campanas tarterako 281 milioi euro eta Ebro gaineko
zubirako 60 milioi euro hartuta erreskatatu berri dute): zaharren egoitzetako langileen lan
baldintzak hobetzera, etxeko langileen lan egoera duintzera, haurreskoletako ratioak gutxitzera,
hezkuntzan behar berezietarako laguntza areagotzera, kultur sormen eta zaintzaren balioa aitortu eta
horretan aritu ahal izateko baldintzak zabaltzera, osasungintzan lehenengo arreta, eta prebentzioa
indartzera, gizarte segurantzan herritar orori hilabete amaierara iritsi ahal izateko aukera ematen duen
gutxieneko diru-sarrera edo pentsioa bermatzera,...
- Natura eta ondare publiko eta komunitarioen merkantilizazio, pribatizazio, industrializazio eta
hondatzean sakontzen du: lurraren okupazio, artifizializazio eta zatiketan, ur sareen (akuifero,
iturburu, hezegune, iturri) kalte eta kutsatzean, ekosistemak eta bioaniztasunak iraun ahal izateko behar
duten oreka desagerraraztean, landa eremuko eta tokiko ekonomientzat gakoak diren komunalen
gutxitzean, elikadura burujabetza eta agroekologiarako behar den lurra desagertaraztean, zaintza
zerbitzu eta osasungintza esku pribatuetan gelditzea erraztean, energia beharrak handitu eta horrek
landa eremua energia ekoizteko eta garraiatzeko azpiegitura handiez betetzean, bizitza osasuntsu eta
patsadan bizitzeko eskubidea ezabatzea...
- Kolonialismo kapitalistan oinarrituta landa eremuetako eta hegoalde globaleko natur
baliabideak eta pertsonak ustiatzen ditu: porlan eta mineralak eskuratzeko proiektu suntsitzaile eta
zapaltzaileak sustatzen ditu, horren ondorioz herritarrak ipar globaleko hiriguneetara mugitzera
behartzen ditu, eraikuntzan beste herrialdeetatik langileak ondainsari eskas, lanaldi luze eta baldintza
gogorretan aritzera ekartzen ditu, tokian errotutako lanbide extentsibo jasangarriak itotzen ditu, landa
eremuak herritarrez hustutzen ditu...
- Jendarte arrakala areagotzen du eta gertuko harremanak eta ekonomia kaltetzen du: herritar
ororena den diru publikoa gutxi batzuek erabiliko duten azpiegitura bat eraikitzen eta mantentzen
xahutzen dute, enpresa pribatu jakin batzuen mesedetan, etorkizuneko belaunaldiak zorpetzen ditu
zuzenean eta zeharka, jendarte kohesiorako eta gertuko harremanak zaintzeko beharrezkoa den
gertuko garraio publikoa kaltetzen du...
HONENGATIK ETA ASKOZ ERE GEHIAGORENGATIK, URTARRILAREN 20an ETOR ZAITEZ 12etan IRUÑEKO
DIPUTAZIOTIK ABIATUKO DEN ABIADURA HANDIKO TRENA GELDITZEA ESKATZEKO MANIFESTAZIORA.
BIZITZA ERDIGUNEAN, EZ PORLANA!!
..
Suscribirse a:
Enviar comentarios (Atom)
No hay comentarios:
Publicar un comentario