Lakuak hiri hondakinen erraustegi berri bat eraikitzea sustatzen ari da, Arabako foru gobernuaren laguntzarekin

Jarraian Zero Zabor ek bidalitako oharra Abuztuan, Lakuak "hazkunde Iraunkorraren eta Enpleguaren Esparru ProgramaEnpleguaren aldeko Programa, Suspertze Ekonomikoa (2020-2024)" egin zuen. PwC aholkularitza-enpresak aztertu du, Eusko Jaurlaritzaren enkarguz, Next Generation EU Europako Funtsean finantzaketa lortzeko asmoz. PwC aholkularitza-enpresak egindako lana 2020/09/01ean entregatu zuen Eusko Jaurlaritzari, eta 2020/11/17an erregistratu da Eusko Legebiltzarrean. Informazio hori oraintsu argitaratu da NAIZ egunkarian, eta hautatutako trakzio-proiektuak eta horiei buruzko balorazioak ikus daitezke bertan. I. Euskal erakundeen trakzio-proiektu publikoak (trantsizio energetikoa, trantsizio ekologikoa-ingurumena, trantsizio teknologiko digitala, osasuna, mugikortasunazpiegiturak, enplegua sortzea eta lurralde-kohesioa) II. Estatuko Gobernuaren trakzio-proiektu publikoak III. Trakzio-proiektu publikoak-pribatuak (trantsizio energetikoa, trantsizio ekologikoaingurumena, trantsizio teknologiko digitala, osasuna eta beste batzuk) Azken talde horren barruan, trantsizio energetikoaren atalean, hidrogeno berriztagarria ekoizten duten hiri-hondakinak balorizatzeko proiektua agertzen da Araban. Horren lidergoa Arabako Foru Aldundiari dagokio, 20 milioi euroko aurrekontuarekin. Gaur egun, garapen kontzeptualeko egoeran dago, baina, PwCren gomendioaren arabera, proiektu horrek Europaren finantzaketa jaso dezake ekonomia zirkularraren eta energia berriztagarrien sustapenaren kontzeptuaren barruan, baina azpiegitura horren beharraren justifikazioa hobeto indartzea gomendatzen du. 2018an onartutako Arabako Hiri Hondakinak Prebenitzeko eta Kudeatzeko 2017-2030 Planak berak, Arabako ingurumen-elkarteek alegazio ugari egin arren, ekintza bat du (43. ekintza. TMB instalazioan lerro gehigarria ezartzea, errefusaren eta bioegonkortuaren aprobetxamendu aurreraturako), 4.3 milioi euroko aurrekontupartida batekin, eta 06 helburu estrategikoarekin batera (birziklapenaz bestelako balorizazio-tratamenduen xede diren hiri-hondakinen ehunekoa Arabako Lurralde Historikoan sortutako hiri-hondakin guztien % 15eko atalasetik behera mantentzea), foru-asmoak agerian uzten zituen. Ildo horretan, esan behar da Jundizko Ontzien Instalazioa (AFA), gaur egun, inguruko zementu-fabrikak erraustera edo energetikoki balorizatzera bidaltzen ari dela edo bidaltzen aritu izan dela; Gasteizko tamaina handiko hondakin asko ere balorizatuak direla eta egungo kudeaketarekin, TMBk bero-ahalmen handiko arbuio-kopuru handia sortzen dituela. Dena den, hidrogeno "berriztagarriaren" ekoizpena hedatuz, Araban hiri-hondakinak kudeatzeko azpiegitura berri bat eraikitzeko makillazioa egin nahi da. Azpiegitura horrek arrisku handia eta errentagarritasun txikia dakar hondakinen tratamendurako. Irtenbide teknologikoek hobetu dezakete egungo egoera deskarbonizatzea eta, are gehiago, aurrerapenak eskaintzea nekazaritzako eta/edo industriako hondakin birziklagarrien kudeaketarako, baina ez dute ekonomia zirkularrak eskatzen duen kontzeptu-aldaketa sortzeko gaitasunik. Gasteiz Zero Zaborretik aspaldi esaten gabiltza, hondakinak prebenitzeko eta bereizteko, birziklatzeko eta konpostaje intentsiboa egiteko estrategiek eta ekoizpen-katera itzuli ezin diren produktuen birdiseinuak arrakasta ekonomiko eta tekniko handiagoa dutela erakutsi dutela. Oso litekeena da berandu izatea norabide hori zuzentzeko, baina, gutxienez, inplikatutako erakundeei eskatzen diegu gardentasunez jokatzeko eta herritarrei jakinarazteko, jakinaren gainean egon daitezen eta, horrela, proiektuaren adostasun soziala testatu ahal izan dezaten. Vitoria-Gasteiz, 2020ko azaroaK 27an